Lianzuala'n Norway a thleng

Mizo tlangval Lallianzuala Chhangte chu Norwegian club Viking FK-a trial nei turin a kal a, Zirtawpni khan India chhuahsanin Inrinni zing khan Norway a thleng. 

Lianzuala chuan, "Mizo mipuite min lo ṭawngṭaipui turin ka sawm a ni," tiin Vanglaini a hrilh a, February 17 hmaa a lo kir tur thu a sawi. 

Delhi Dynamos coach Josep Gombau chuan, "Lianzuala hi duhsakna ka hlan a, Indian player-in Europe-a kalna remchang an neih chuan keini chuan dan kan duh lo a ni," tiin Lianzuala chhuah an phal sak chhan a sawi.

Lunglei tlangval hian ISL-ah season duhawm tak hmangin match 15-a khelhah goal li a khung a, assist vawi khat neiin ISL-a Indian player hmuhnawm ber pawl a ni.