Elite League champion Minerva

Kum 18 hnuai lam inelna Hero Elite League-ah Minerva Punjab an champion a, Mizo pali telna FC Pune City chu 2-0 in final-ah an hneh.

Minerva tan hian Makan Chothe leh Thoiba Singh ten goal an khung a, Pune club tan Laldawngkima leh Mark Zothanpuia ten goal khungna remchang nei mah se Minerva keeper Devansh Singh chuan ṭha zetin a dan sak ve ve a, Pune tan hian Lalrinliana Hnamte leh F. Malsawmtluanga an inlan bawk. 

Minerva hian Elite League nomawi an chawi leh takah chuan India rama football league inelnaah chuan an champion vek - Hero I-League, Hero Sub-junior League (U13) leh Hero Junior League (U15) nomawi an kawl mek a ni.

Hero Elite League-ah hian Aizawl FC chuan semifinal an lut a, FC Pune City hi an ngam lo.