Cherries mualah Blues an vannei

Chelsea tan defender Marcos Alonso chuan Bourne­mouth lakah goal hnih a khung a, khualmualah a team tan point hlu tak a hlawh chhuak - team pahnih hi 2-2 in an ṭin. 

Chelsea tan Alonso hian minute 33-naah Olivier Giroud-a shot bar per let lehlam chu goal hmahruai a tan a khung a, mahse tlak hlau Cherries tan Jefferson Lerma leh Joshua King ten an chhang let. Champions League khelh tum Blues hi an tlawm mai dawn niin a lang hman a, mahse Alonso bawk rawn inlarin hun tawp nan minute nga chauh a awm tawh tihah si phurh a rawn sut. 

Zirtawpni zan khan Leices­ter City chuan 1-0 in Norwich City an ngam lo bawk a, Jamal Lewis chuan goal awmchhun hi a khung - Chelsea leh Foxes chet chhiat zarah Manchester United, Tottenham Hotspur leh Arsenal ten Champions League an la beisei ve zel.