New Zealand-in India sawp

India leh New Zealand ten Test match vawi hnih an khelh tura a hmasa zawkah mual neitu Kiwis-in wicket 10-in mikhual team an sawp. Second Test hi February 29 leh March 4 chhung hian Hagley Oval-ah khelh a 

ni ang.

Wellington-a inkhel-ah New Zealand hi ṭhumvawrah an chak a, vawm hmasak an thlang. India batsman ten Kiwis bowler Tim Southee (49/4) leh Kyle Jamieson (39/4) te an ngam lo a, run 165 chauh an siam.

India captain Virat Kohli pawhin run hnih chauh a siam a, run siam tam ber Ajinkya Rahane pawhin run 46 chauh a siam. New Zealand-in run 348-in an chhanglet a, captain Kane Williamson-a'n run 89 a siam.

Second innings-ah India-in run 191 chauh an siam a, first innings-a New Zealand siam an khumna zat chu run riat chiah a ni. Kiwis tan hna harsa a awm tawh lo a, Tom Latham (7) leh Tom Blundell (2) te thi loin an target run kua an umpha.