Nunsanga tan chawimawina

Mizo tlangval bike khalh thiam K. Lalnunsanga chu FMSCI Upcoming Motorsport Person of the Year 2019 & Gautam Singhania Rolling Trophy hlan a ni. Chawimawina hi Minister of Youth Affairs & Sports Kiren Rijiju chuan New Delhi-ah a hlan.

Award hlannaah hian MiMSA (Mizoram Motor­sports Association) president Lalfakzuala Hauzel chuan a tel pui. Faka chuan, "Mizo ṭhalai ten theihna an nei sang a, tun ṭuma award pawh hi Lalnunsanga hian a phu hlein ka hria. India rama ṭhalai dangte elphak tur erawh chuan hmunhma kan neih ṭhat a ngai a ni," a ti.