Flamengo training centre kangah mi 10 an thi

Brazilaian football club Flamengo raining centre chu nimin khan a kang a, mi 10 an thih bakah a tlem berah mi pathum chu an inhliam nia hriat a ni.

Brazilian club hian Rio de Janeiro-a an training-na hmun hi thla hnih liam ta khan an ti lian a. Mitthi 10 hi tute nge an nih finfiah a la ni lo a, helai hmunah player naupang kum 14-17 inkar te an riak.

Kang ṭhelhtu Douglas Henaut chuan, "A kan lai hun hi Flamengo youth team mut hun lai a ni," tiin a sawi a, kang mei chhuah chhan hriat a ni lo bawk.

Kangmei chhuah hun hi anni hunah chuan zing dar 5:10 (12:40 IST) a ni a, dar 7:30-ah tih mit theih a nih chauh. 

Flamengo hi Brazil club lar ber zinga mi a ni a, player lar tak tak  Zico, Junior leh Leonardo te chawrchhuahna a ni.