Mizo nula ten semifinal lut

National Junior Hockey Tournament khelh mekah Mioram tleirawlte chuan semifinal an inhlangkai tawh a, vawiin tlai dar 3:00 hian Haryana nen final luh inchuhin an inkhel chhunzawm leh ngal dawn.

Inelna hi January 31 aṭang khan Kollam, Kerala-ah neih niin Mizoram hi pool C-ah Gangpur Odisha, Hockey Himachal Pradesh, Andra Pradesh leh Maharastra te nen an awm khawm. Mizoram hian an pool match bikah hian Maharastra an inhnehtawkpui tih loh chu hnehna an chang vek.

Pool hmahruaitu ni chungin quarterfinal an lut a, Ningani zan khan pool D pahnihna Odisha chu 3-0 a sawpin semifinal an inhlangkai a ni. Inelnaah hian hockey khel thiam state hrang hrang aṭangin team 20 an inlan a, pool paliah ṭhen niin an inkhelh kual hnuah a sang pahnih zelin quarterfinal an lut a ni.