Khualmuala khelh ṭhat a ngai - Emery

Arsenal manager Unai Emery chuan tun hnaiah khualmual bika result an nei ṭha thei lo chu insiamṭhat an ngaih thu a sawi a, zanin dar 8:30-a Huddersfield Town an hmachhawn dawn.

Nikum November 25 khan Arsenal hian Bournemouth 2-1 in an luhchhuah a, hemi hnu hian Premier League match bikah khualmuala hnehna chan an la nei leh lo. 

Arsenal player zingah Danny Welbeck, Rob Holding leh Hector Bellerin te tan season a tawp tawh a, Shkodran Mustafi leh Henrikh Mkhitaryan ten training pangngai an zawm thei tawh. Manchester City hmachhawn thei lo Granit Xhaka pawh Terriers hmachhawn tur zingah telh a ni.