FC Goa tan Bedia inlan thei dawn lo

26th February, 2020

Indian Super League-a point hmu hnem ber FC Goa midfielder Edu Bedia chu mimal thil avangin Pathianni khan an ram lamah a haw a, Goan club tan ISL semifinal first leg a khel thei

dawn lo.

FC Goa director of football Ravi Puskur chuan, "Bedia tan haw ngei ngei a ngai a, dam taka lo kirin, second leg-ah kan team tan a inlan theih kan beisei a ni," a ti.

Kum 2017-a Real Zaragoza aṭanga Goa zawmtu midfielder hi player pawimawh a ni a, tun season-ah league match 12 a inlan.

FC Goa hian February 29-ah semifinal first leg hi an khel dawn a, nizan Chennaiyin FC leh NorthEast United inkhel result a zirin semifinal-a an hmachhawn tur hi a la danglam thei.