UFC 234 - Whittaker hmaah Kelvin Gastelum
Robert Whittaker chuan UFC middleweight title a kawl lai humhim turin Kelvin Gastelum chu UFC 234 -ah a hmachhawn dawn a, Australia-a neih tur inelna hian ngaihven a hlawh nghal hle.
New Zealand a piang, Australian mi Robert Whittaker chuan, "Mahni ram chhung ngeiah ka kawnghren kawl lai ka humhim theih ka beisei," a ti a, a hmachhawn tur Kelvin chuan, "A harsa dawn a ni," tiin a sawi ve bawk.
Melbourne khawpuia Rod Laver Arena-a inelna neih tur hian Anderson Silva leh Israel Adesanya an inhmachhawn dawn bawk a, anni pahnih inhmachhawn tur hi ngaihven hlawh zingah a tel.
UFC 234 hi Pathianni zing dar 5:00-ah Pre-liminary Card khelh ṭan a ni ang a, Main card-a inhmachhawn turte hi zing dar 8:30-ah chuan inhmachhawn hman tura beisei an ni thung.