Qatar Open-ah player langsar

World number 1 Naomi Osaka inlan thei dawn lo mah se tun kar chhunga khelh tur Qatar Open-ah player an inlan ṭha dawn hle a, world ran­king-a a sang 10 zinga paruk chu an tel thei dawn a ni.

Australian Open champion Osaka hi kar hmasa khan a hnungzâng na vangin a inhnuhdawh thu a ti chiang tawh a, Japanese player a inlan dawn loh takah chuan Simona Halep chu seeded pakhatna a ni ang. Halep bakah hian Karolina Pliskova leh Angelique Kerber te chu champion thei tura rinkai zinga mi an ni bawk ang.

Romanian nula Halep hi WTA ranking-ah pathumna a ni mek a, German star Kerber hi parukna niin anni pahnih hian Grand Slam nomawi an chawi tawh - world number 5 Pliskova pawh US Open final khel tawh a ni bawk.

Major tournament vawi thum champion tawh Kerber chuan, "Champion a harsa dawn hle, mahse chona ṭha leh phurawm tak a ni dawn," a ti. Kerber leh Halep te hian 2014 khan final an khel a, inkhel hmuhnawm takah Halep a chak a ni.