Benfica-in goal 10 an khung

Portuguese club lang­sar Benfica chuan kum 55 hnua Primeira Liga-a inhnehna nasa ber an thlentir a, Pathianni zan khan an mikhual Nacional chu 10-0 ngawtin an sawp.

Kum 1964 khan Ben­fica vek hian he record hi an lo siam tawh a, Portuguese league-ah hian Seixal chu 10-0 in an lo sawp tawh. 

Benfica tan Haris Seferovic leh Jonas Oli­veira ten goal hnih ve ve an khung a, Alex Grimaldo, Joao Felix, Pizzi, Francesco Ferreira, Ruben Dias leh Rafa Silva ten goal khat ṭheuh an khung bawk. 

Primeira Liga-ah hian Porto chu a chung berah awmin match 21-ah point 51 an nei mek a, an hnuai chiaha awm Benfica hian match khelh zat inangah point khat chiahin Porto an phak lo.