February 19 aṭangin Robula Chess Trophy

Mizoram Chess Association official rating tournament Robula Chess Trophy chu February 19-22, 2019 chhung hian Dawrpui Multipurpose Centre, Aizawlah khelh a ni dawn.

Inelnaah hian lawmmanah nuai khat chuang (Rs 1,19,700) sem ral a ni dawn a, entry fee hi February 16 thleng pek theih a ni. Robula Chess Trophy hi chess inelna hlu ber zinga mi a ni a; PS Dahrawka Memorial Chess Championship, Davi's Memorial Chess Championship leh Mizoram Open te nen rating tournament atan an hmang.

Tun ṭumah hian Open Category bakah Under 7, 9, 11, 13, 15 leh 17 tan inel­na hi buatsaih a ni dawn. MCA Ra­ting Championship a nih angin MCA Registered Player tan chauh khelh theih a ni a, registration hi englai pawhin Entry fee peknaah te hian tih theih reng a ni.

Zawhfiah duh nei tan : 9856738137 / 9436196647 / 8014158646 / 8258081211