Gervonta Davis hmaah Ruiz a tlu

WBA super featherweight title in­chuha an inhmachhawnnaah Gervonta Davis chuan Hugo Ruiz chu round khatna lekah a knockout a, champion kawnghren a hlawh. 

Dignity Health Sports Park, Carson-a inhnekah hian Hugo Ruiz hi first round tawp nan minute khat chauh a awm tawh tihah a tlu a, referee Jack Reese-a'n Mexican boxer Ruiz awm dan a en hnuin inhnek a titawp zui. 

Davis hi a tirah tak chuan division thum champion Abner Mares nena inhmachhawn tura tih an ni a, mahse Mares hian a mitah hliam a tawrh hnuin thla hmasa khan a inhnukdawk a, a hmunruakah Ruiz hi dah niin a tlawm zui ta a ni. 

Boxing legend Floyd Mayweather chuan he inhnek hi a hmunah a en a, kum 24 mi Davis hian vawi 21 inhnek a hmachhawna vawi 20 a khingpui a knockout na niin a la tlawm lo!