Pune khawpuiah goal li!

Pathianni zan Indian Super League inkhelah Pune City leh ATK ten inkhel hmuhnawm an pholang a, team pahnih hian goal hnih ve ve khungin an inhnehtawk. 

Mualneitu Pune hian minute 17-na leka ATK defender John Johnson own goal hmangin hma an hruai a, mahse Jayesh Rane chuan minute 23-naah Kolkata club tan si phurh a sut - Aizawl FC midfielder hlui goal khung hi goal mawi bik a ni. 

ATK hian second half-ah Edu Garcia penalty hmangin hma an hruai zui a, mahse Robin Singh chuan minute 76-naah goal khung ve lehin chak zawk an awm lo. 

Kolkata club tan hian Ricky Lallawmawma chuan inkhel bul a ṭan a, Durtlang tlangval hian minute 90 a khel tluan. 

Nizanah ISL inkhel a awm lo a, zaninah erawh inkhel pakhat awmin Mum­­bai City chuan North­­­East United chu dar 7:30-ah an mikhual ang.