Champion lai Czech Republic an tla

Ram leh ram hmei­chhe tennis team hmanga inelna Fed Cup khelh mek­ah champion lai Czech Republic chu Romania lakah 3-2 in an tlawm a, Romania hian a vawi khat nan Fed Cup World Group semifinal an lut.

Inelna hi best of five hmanga neih ṭhin niin, Zirtawpni aṭanga Pathianni zan thleng an khel ṭhin. Ni hmasa berah ram pahnihte 1-1 in an inhnehtawk phawt a, Inrinni khan world number 1 hlui pa­hnih inkhelin Simona Halep chuan Karolina Pliskova hnehin an ram Romania hi 2-1 in hma a hruai pui.

Mahse, singles match dangah Katerina Si­­nia­­kova-i'n Mihaela Buzarnescu hnehin an intluk tawk leh chiah a, doubles hmanga chak zawk zawn niin Romanian pair Irina-Camelia Begu leh Monica Niculescu te chuan Siniakova leh Barbora Krejcikova te ṭangdun 6-7 (2-7), 6-4, 6-4 a hnehin an tlang.