Heat aia sa zawk Warriors

Nimin zing NBA regular season inkhelah Golden State Warriors chuan Miami Heat 120-118 in an hneh a, hnehna chang turin NBA champion hian hun tawp dawna DeMarcus Cousins-a free throw leh vanneihna an mamawh tel.

Warriors tan point 39 score tu Kevin Durant chu player mala thawhhlawk ber a ni a, chutih rualin hun tawp hma second 5.4 chauh a awm tawh tiha free throw luttu DeMarcus Cousins hna thawh chu inkhel result siam danglam hlawktu a ni thung.

American forward Durant chuan, "A tir lamah khan inkhelah rilru kan pe tawk lo, anni lam khan nuam ti takin min hmachhawn a, inrintawkna an neih san avangin basket pawh an nei thei hle. A tawpah erawh kan harhchhuah avangin a vannei zawkah kan ṭang hram," tiin a sawi.

Season kal laiah GSW hi Western Conference hmahruaitu an nih chhunzawm zel a, match 40 hnehna an chang tling chiah. Heat erawh ṭum 29 an tlawmna a ni thung a - Eastern Conference lamah pakuana an ni mek, playoff khel pha dinhmunah an ding rih lo.