Pedro ropuina hliahtu Neroca

Chennai City tan Pedro Manzi chuan hattrick siamin Neroca lakah 3-0 in a team hma hruaipui mah se Manipur club-in comeback ropui an lantir a, hun a tawp meuh chuan 3-3 in an inhnehtawk!

I League hmahruaitu Chennai City tan Pedro chuan first half chhungin goal thum a khung a, East Bengal laka tlawm hlim Neroca tan beisei a boah ngaih a ni. Mahse, Manipur club hian an mualah tlawm an tum lo. 

Minute 52-na aṭangin Neroca-in thawnthu ngaihnawm an ziak ṭan a, Felix Chidi chuan an goal khatna a rawn khung. Minute 68-naah Bengaluru aṭanga loan hmanga an hawh Chencho Gyeltshen chuan an goal hnihna a rawn khung zui ve leh bawk - Neroca a zawm hnuah match hnih khelin goal hnih a khung tawh. 

Hun tawp nan minute thum chauh a awm tawh a, Neroca tan Aryn Williams chuan si phurh a rawn sut zo - hun a tawp a, 3-3 in an inhnehtawk a, Neroca chu a lawm zawk an ni.