India huap chawimawina dawng thei zingah Jeremy
Indian Sports Honours (ISH) chuan a vawi hnih nan ram chhunga infiammi langsar leh hlawhtling chawimawina a buatsaih leh dawn a, Sports Journalist Federation of India (SJFI) chuan lawmman dawng thei tur an chhawp chhuah zingah Mizo rawlthar Jeremy Lalrinnunga a tel.
Chawimawina hi Men's and women's breakthrough of the year, Spirit of Honour, Comeback of the Year, Club of the year leh Fan Club te semchhuah a ni dawn a, weightlifter Jeremy-a hi Men's Breakthrough Performance of the Year dawng thei mi pali an tlan chhuah zinga pakhat a ni.
Govt. Complex rawlthar duhawm Jeremy hian nikum khan Indian infiammi zinga a hmasa ber ni turin Youth Olympic Games-ah gold medal a chawi chhuak a, kuminah pawh Khelo India Games-ah pakhatna ni leh tawhin, 2020 Olympic Qialifier an khelh hmasak berah pawh silver medal a dawng leh tawh bawk.
Chawimawina dawng tur hi Olympic gold medallist Abhinav Bindra leh national badminton coach Pullela Gopichand te bakah - Indian hockey captain hlui Sardar Singh, tennis veteran Mahesh Bhupathi, track and field athlete ropui PT Usha leh shooter hlui Anjali Bhagwat ten an la thleng chhuak leh dawn a ni.
Indian Sports Honours (ISH) hi RP-Sanjiv Goenka Group leh Virat Kohli Foundation tena an kalpui a ni a, tun ṭuma lawmnan an sem tur hi February 16-ah hlanna neih a ni ang.
Lawmman dawng thei tura chhawpchhuah te:
Men's Breakthrough Performance of the Year: Rishabh Pant (Cricketer), Jasprit Bumrah (Cricketer), Pawan Sherawat (Kabaddi), Jeremy Lalrinnunga (weightlifter).
Spirit of Sport Honour: Ajinkya Rahane (Cricketer), Sunil Chhetri (Footballer), Neeraj Chopra (Javelin Thrower), Shailaja Jain (Iranian Kabaddi coach).
Comeback of the Year: Dutee Chand (Athlete), Vinesh Phogat (Wrestler), Maninder Singh (Kabaddi), Dipa Karmakar (Gymnastics).
Women's Breakthrough Performance of the Year: Jemimah Rodrigues, Manu Bhaker, Manika Batra, Swapna Barman.
Club of the Year: Chennai Super Kings, Bengaluru FC, Patna Pirates, Real Kashmir FC.
Fan Club of the year: Bharat Army (Indian cricket team), CSK Fans Official (Chennai Super Kings), Blue Pilgrims (Indian football team), Manjappada KBFC Fans (Kerala Blasters).