Champion thar Dodig leh Polasek

Nimin khan Australian Open 2021 hmawr bawkna neih a ni a, mipa doubles champion lai Joe Salisbury leh Rajeev Ram te chuan an nomawi kawl lai an chan; Britain leh US tlangval ṭangdun hi Ivan Dodig leh Filip Polasek te lakah an tlawm.

Dodig leh Polasek te inkawp hian 6-3, 6-4 a hnehna changin nomawi an chawi. Melbourne Park-ah hian 2011 hnu lamah mipa doubles nomawi hi a zawna kawl thei an la awm ngai lo, rinkai ni chunga inlan Salisbury leh Ram tan pawh tih theih a ni lo.

Slovakian player zingah Polasek hi doubles huanga Grand Slam title la thei pahnihna a ni, mixed doubles player Daniela Hantuchova chuan tun hmain major title pali a lo la tawh a ni.

Mipa doubles huanga champion Ram-a hian Inrinni khan Barbora Krejcikova nena ṭangkawpin mixed doubles title a lo la tawh bawk.