India-in T20 squad an puang
India leh England ten Test match vawi li an khelh zawhah T20 match nga an khel dawn a, BCCI chuan kartawp khan India aiawh tur squad an puang.
Suryakumar Yadav, Ishan Kishan leh Rahul Tewatia te chu a vawi khat nan India team-ah koh an ni a. Kumin hi T20 World Cup khelh kum a nih avangin tun hi player ṭha enchhinna hun ṭhaah an ngai.
Wicket-keeper batsman Rishabh Pant, all-rounder Axar Patel leh pacer Bhuvneswar Kumar te pawh koh an ni a, bowler ṭha mi Jasprit Bumrah erawh hahchawlhtir a ni ang.
India squad
Virat Kohli (Capt), Rohit Sharma (vc), KL Rahul, Shikhar Dhawan, Shreyas Iyer, Suryakumar Yadav, Hardik, Rishabh Pant (wk), Ishan Kishan (wk), Y Chahal, Varun Chakravarthy, Axar Patel, W Sundar, R Tewatia, T Natarajan, Bhuvneshwar Kumar, Deepak Chahar, Navdeep Saini, Shardul Thakur