Lookman-a'n Fulham a chakpui

Craven Cottage-ah Fulham-in Ademola Lookman goal hmangin Premier League table mawngphaha awm Sheffield United an hneh. London club hian point 22 an hmu a, relegation zone-ah la awm chiah chiah mah se an chunga awm Newcastle United aiin point thum chauhin an hnufual tawh.

Fulham manager Scott Parker chuan, "Tum kan nei a, hun ṭha bawhpelh loh chu kan thupui a ni. Kan theihna angin kan khel chhuak a, ka naute ka chhuang hle. Tun hnaia kan khelh danah ka lawm takzet," tiin a sawi.

Parker-a hote hian match hnuhnung pali aṭangin point riat an hmu a, relegation zone-a awm team tan chuan result ṭha a ni. Hetihlai hian 19-naa awm West Brom chuan player 10-a khel chungin Burnley nen 0-0 in an inhnehtawk.

West Brom boss Sam Allardyce chuan, "Hma kan sawn. Player 10-a khel ka hmuh tawhah chuan a ṭha ber zinga mi a ni," tiin an khelh danah a lungawi thu a sawi.