Premier League khelh tum Norwich
Season hmasa Premier League aṭanga pet thlak Norwich City chuan an thiltih hmangin season tharah English top flight league khelh lehnghal an tum tih an pholang zel a, Nilaini zan khan league match-ah Coventry City chu 2-0 in an hneh.
Premier League-a khelh ve 'zawk' chhunga striker ngaihven hlawh pawl ni hman Teemu Pukki chuan Championship lamah pawh a goal khung a chhunzawm zel a, Coventry lakah hian goal hmahruai a khung - tun season league match 26 a khelh aṭangin goal 14-a khung tawh.
Norwich tan Emi Buendia chuan goal khat a khung ve bawk a, hun tawp thlenga goal dang lut tawh loin Norwich hi 2-0 in an chak - Championship-ah hma an hruai chhunzawm zel.
Canaries-in hnehna an chan laiin an elpui Brentford erawh an chak zo lo a, Queens Park Rangers lakah 2-1 in an tlawm. Brentford tan hian Ivan Toney chuan minute 30-naah tun season-a a league goal 24-na ni turin goal hmahruai a khung a, mahse, second half-ah QPR hian goal hnihin an chhanglet.
QPR tan bench aṭanga luhtir Sam Field chuan minute 72-naah si phurh a sut a, Rangers tana a match hmasa ber a ni - kum 22 mi striker hian thlasik transfer-ah khan QPR hi a zawm ve chauh. Minute li a liam a, QPR tan Charlie Austin chuan khung ve lehin 2-1 in an chak.
Championship-ah a sang pahnih chu Premier League khel turin an tling ṭhin a, pathumna aṭanga parukna ten playoff hmangin hmun ruak pakhat an inchuh ve leh ṭhin bawk.
Inkhel Results
Coventry City 0 - 2 Norwich City
Millwall 2 - 0 Birmingham City
Queens Park Rangers 2 - 1 Brentford
Swansea City 1 - 0 Nottingham Forest
Barnsley 2 - 1 Blackburn Rovers
Bournemouth 1 - 0 Rotherham United
Zanin Inkhel Tur
Watford 1:15 AM Derby County