Kar tin hi chona thar zel - Dallas

Zanin dar 1:30 hian Leeds United-in Wolverhampton hma-chhawn turin Molineux Stadium an tlawh dawn. Leeds United midfielder Stuart Dallas chuan, "Premier League kai thar kan ni a, kar tin hi chona thar zel a ni," tiin a sawi.

Leeds hian an match hnuhnung berah Arsenal 4-2 in an hneh lo a, Dallas chuan, "Goal kan chhuah hma avang khan kan tan engkim a harsa vek a ni. Kan tan chuan inzirna a ni zel a, Wolves lakah pawh inzirna tur kan nei ang. Anni hi Premier League an kai tirh aṭang khan hma an sawn zel a, Europe inelnaah hial an inlan thei a ni," tiin a sawi.

Wolves hian tun season-ah beisei an pha bik lo a, an match hnuhnung berah Sout-hampton hneh mah se Leeds United aiin match khata an khel tam chungin point hnihin an hmu tlem zawk. Marcelo Bielsa kaihhruai Leeds hian Thawhlehni zan dar 11:30-ah Southampton an hmachhawn lehnghal bawk ang.