Test ranking-ah India pahnihna

India-in second Test-ah England an hneh avangin Test ranking-ah pahnihnaah an awm. Men in Blue leh England hian Test match pahnih khelh tur an la nei a, he inkhel result hi ICC World Test Championship final khel tur zawnna a ni thei ang.

Test Championship hmasa ber hi August 1, 2019 aṭang khan khelh ṭan a ni a, inkhel result a zirin point an hmu zel. Australia-in Covid-19 vanga South Africa-a zin an ṭhulh avangin Test Ranking-a pakhatnaa awm mek New Zealand-in final an khel chiang tawh.

New Zealand hmachhawn tur hi a la hriat loh a, India emaw England emawin hmunruak pakhat hi an hnawh khat dawn. Test match vawi thumna hi Ahmedabad-ah February 24 aṭangin khelh ṭan a ni ang a, chhun leh zana khelh tur a ni.