Levante-in hmahruaitu Atletico chelh

Spanish La Liga lamah beisei loh result-a thleng a, Levante chuan an mikhual Atletico Madrid chu rin loh takin 1-1 in inhnehtawkpui - Atletico hi an league match hnuhnung pathuma vawi hnih an khingpui an inhnehtawkpuina a ni. 

Nilaini zan inkhelah hian Enis Bardhi chuan Levante tan 'cool' zetin goal hmahruai a khung a, Atletico-in minute 37-naah Marcos Llorente hmangin an sut. 

La Liga top scorer Luis Suarez hoa khel Atletico-in hun tawp thlengin goal dang an khung tawh lo a, point khatah an lungawi a ṭul phah. 

Atletico-in hnehna an chan zawh loh avangin La Liga-a an hmahruaina chu point ruk chauh a ni ta a, hetihrual hian anmahni hnaih bertu Real Madrid aiin match khatin an khel tlem thung.