Aizawl FC-in Mohammedan an sawp
Mizo club Aizawl FC-in Kolkata stadium chhuanvawr Salt Lake Stadium-ah khawtual club Mohammedan SC chu 3-0 in an sawp. Nimin inkhelah hian AFC tan Mizo tlangval pathum R. Malsawmtluanga, Lalremsanga Fanai leh Lalliansanga (Notea) ten goal khat ṭheuh an khung.
Yan Law-a hote hian an khelh ṭhat angin an result a ṭha ṭhin lo a, match hnuhnung pathumah chak hmel an hmu lo. Nimin inkhelah erawh AFC-in chetsual nawn an tum lo a, ṭan phat aṭangin an khel ṭha a, chance pawh an ngah hle.
Minute 16-naah Alfred Kemah Jaryan-a freekick hlawhchhuah chu MS-a'n mawi zetin a pet goal a, Mizo club-in inkhel thunun zui mah se first half-ah goal a luh belh lo.
Second half-ah Aizawl FC an khel ṭha chhunzawm a, minute 64-naah Lalremsanga Fanai-in box chhung sir aṭangin kawh zetin goal kilah a pet lut. Minute thumnaah AFC-in ṭum dang ang thoin set piece an hmang ṭangkai a, corner kick-a ball an inpass kual hnua an vawrhluh chu Notea'n a tauh lut.
Aizawl FC-in hnehna an chan avangin match riat aṭangin point 12 an hmu a, palinaah an invawrhchho. Yan Law-a hote hian Real Kashmir leh Chennai City an la hmachhawn dawn a, champion beiseina a la sang hle.
Nimin tlai table chunglam pahnih inkhelah Real Kashmir leh RoundGlass Punjab te 1-1 in an inhnehtawk a, Punjab-in point 15 hmuin pakhatna an ni chhhunzawm a ni.
Nimin Inkhel Results
Aizawl FC 3 - 0 Mohammedan SC
AFC : R. Malsawmtluanga 16'; Lalremsanga Fanai 64'; Lalliansanga 67'
Real Kashmir 1 - 1 RoundGlass Punjab
REA : Asier Pierrick Dipanda Dicka 72'
RGP : Joseba Beitia 66' (P)
Vawiin Inkhel Tur
Sudeva Delhi 2:00 PM Neroca
Gokulam Kerala 7:00 PM Indian Arrows
# Team Pld W D L GF GA GD Pts
1 RoundGlass Punjab 9 4 3 2 11 7 4 15
2 Real Kashmir 8 3 5 0 15 6 9 14
3 Churchill Brothers 7 3 4 0 9 3 6 13
4 Aizawl FC 8 3 3 2 9 5 4 12
5 Mohammedan SC 8 2 4 2 5 7 -2 10
6 Gokulam Kerala 7 3 1 3 13 11 2 10
7 Trau 8 2 4 2 9 10 -1 10
8 Sudeva Delhi 7 2 3 2 9 5 4 9
9 Chennai City 7 3 0 4 5 12 -7 9
10 Neroca 7 1 2 4 11 13 -2 5
11 Indian Arrows 8 1 1 6 5 22 -17 4