Engtik lai mahin vanduaiah ka inchhal lo -Nadal

Vawi 20 Grand Slam title la tawh Rafael Nadal chu Nilaini khan Australian Open semifinal-ah Stefanos Tsitsipas hneh loin a tla.

Spanish tlangval Nadal hian hnung na chungin a khel a, chhuanlam erawh a siam duh lo. Rafael Nadal chuan, "Ni 20 chhung mumal takin ka practice thei em tih ka chiang lo.

Quarantine vang a ni thei a, chutihrualin chhuanlam siam tur ka ni lo. Ka chak loh ka pawm.

"Inhliam chhiar tel vek pawhin engtik lai mahin vanduaiah ka inchhal lo. Pa vannei tak ka ni," tiin chhuanlam siam a tum lo a, a khingpui Stefanos Tsitsipas chu khawvela player ṭha ber zinga mi a nih thu a sawi thung.

Greek tlangval Tsitsipas hian vawiin chawhnu dar 2:00 hian Rod Laver Arena-ah seeded number 4 Daniil Medvedev a hmachhawn ang.