Manipur chak hram

Santosh Trophy NE qualifying round-ah Manipur chuan nimin khan Arunachal Pradesh chu 1-0 in an hneh hram. Goal awmchhun hi minute 72-naah Manipur player Wahengbam Angousana Luwang-a'n penalty aṭangin a khung.

Hmarchhaka football khel thiam ber tia sawi ṭhin Manipur hi ṭum dang an pha lo a, Lammualah football hmuhnawm an pho chhuak pha lo.

Manipur hian Arunachal Pradesh lakah chak phu zawk ni mah se hnehna chang turin referee Avisekh Saha puihna an mamawh a, an goal khungna tura jersey no.

10 Ginminthang Hangsing penalty hlawhchhuah dan chu Arunachal tan hriatthiam a har ang.

Group B team pathum zingah Assam an la inlan lo a, anni hian February 14 hian Arunachal Pradesh an hmachhawn dawn a, group match hnuhnung berah Manipur nen February 16 hian an inkhel ang.