India U23 squad-ah Mizo panga

March aṭanga Under 23 2020 AFC Cham­pionship qualifier khel ṭan tur India chuan player 37 awmna squad an puang a, koh chhin zingah Mizo player panga an tel.

Mizo player zingah senior team thlenga ram tana lo inlan tawh Jerry Lalrinzuala, Lallian­zuala Chhangte leh Daniel Lalhlimpuia te chu koh zingah an tel a, Sairuatkima leh Jerry Mawihmingthanga te chu koh tel an ni bawk. 

Player tawnhriat nei ngah zingah AFC Asian Cup khelh zawh taka India tana inlan Ashique Kuruniyan leh Anirudh Thapa pawh koh tel an ni a, an tawnhriat hi India tan a pawimawh khawp ang. 

AFC Championship qualifier-ah hian India hi Group F-ah Uzbekistan, Tajikistan leh Pakistan te nen an awm ho a, match hmasa ber hi March 22-ah an khel dawn. 

Player 37 hi koh chhin an ni phawt a, squad hi tih tlem a la ni leh dawn a ni.