India tlangvalin a tawng sang

Prajnesh Gunnes­waran chuan tennis a khelh hun chhunga a tawn san ber ṭum a tawng a, Thawhṭannia ATP ranking chhuak thar berah point 579 hmuin world number 97 a ni, a sang zual 100 zinga a tel vawi khatna a ni nghal bawk.

India tlangval tennis khel thiam zingah Somdev Devvarman leh Yuki Bhambri te chu world ranking-a a sang 100 tling thei hnuhnung an ni a, anni pahnih hnuah chuan Gunneswaran hian an sulhnu a rawn zui ve leh thei chiah.

Kum 29 mi Gunnes­waran chuan, "Hun rei tak chhung rim taka ka thawhna chu a rah chhuak zel a, tun season chhunga ka thil tum tam tak neih hi a hlawhtlin theih nan ka thawkrim chhunzawm ang. Tuna kan thlen chin pawh hi ka tan chuan mellung pawimawh a ni reng tawh ang," a ti.

ATP ranking-ah hian Australian Open champion Novak Djokovic chu a chung berah a la awm chhunzawm a, Grand Slam vawi 17 champion tawh Rafael Nadal chu pahnihna a nih chhun­zawm bawk.