RVL-in Kulikawn an ngam lo

Mahuma Memorial Cricket Tournament-ah Kulikawn CC-in innings khat leh run 17-in Ramhlun Venglai CC an sawp a, RVL-in match thum an khelh tawhah hnehna chan an la nei lo!

Kulikawn hi first innings-ah bat hmasain over 76.4-ah run 312 an siam a, wicket nga hlohin an duhtawk a, chak nan tling tawkah an ngai - C. Lalrinsanga chuan run 104 ngawt a siam a, run 89 siamtu Vikash Kumar sawi hmaih theih a ni lo. 

Ramhlun Venglaiin an hmabak a hautak tih hre mah se over 47.5 thleng bak an tlin lo a, run 124 chiah an siam. Second innings-ah pawh RVL an la insiamṭha chuang lo - run 171 siamin over 54.1-ah an out vek a, Kulikawnin second innings-ah ding nawn ngai loin chiang takin hnehna an chang. 

Kulikawn tan Moses Ramhlunmawia chu player langsar a ni a, wicket sawm ngawt lain RVL batsam tan a hnawksak hle.