North leh South Korea-in Olympic thlen dun tum dawn

Ram inṭhenawm, inhal tak South Korea leh North Korea te chuan infiamna hmangin an ram inkar boruak siamṭhat zel an tum a, Korea ram pahnih hian 2032 Olympic Games chu a inṭawma thlen dun an dil dawn.

South Korean Olym­pic Committee chuan tun hma lama Olympic thlen tawhna Seoul chu thlen nawn nan an duh a, an dilna a hlawhtling a nih chuan North lam pawhin an pawmpui ang.

Winter Olympics hnuhnung ber South Korea-in an thlen ṭum pawh khan North Korea chuan an infiammi ṭhen­khat an inlan tir tawh a, ram pahnih hian puan zar pakhat hnuaiah inel­na ṭhenkhat chu an hmachhawn dun a ni.