Mumbai khelmualah Highlanders

NorthEast United-in Indian Super League-ah a vawi khat nan semifinal khelh ngei an tum a, zanin dar 7:30-ah an kawng dal tumin Mumbai City an ding ang. 

Highlanders hian table-ah pahnihna dinhmun an luah mek a, mahse an hnuai chiaha awm Jamshedpur FC aia an sanna hi point khat chauh a nih avangin an dinhmun a him lo hle. 

Hetihrual hian zaninah Mumbai hi an hneh thei a nih erawh chuan pahnihna ni mek club nen hian an point hmuh zat a inrual thei chiah dawn tihna a ni a, Guwahati club tan chak ngei a ngai. 

NorthEast United-ah hian Robert Lalthlamuana leh K. Lalṭha­thanga te chu player pawimawh an ni a, Lalrempuia Fanai an kawl bawk. Mumbai City erawhin Mizo kawl an nei lo.