Team intluk tlang

RFL Plastics MFA Futsal League Season 2-ah group B team te an intluktlang a, vawiin hian Electric Veng Indoor Stadium-ah round 4 an khel dawn.

Table chung lama awm pali Zonuam FC, Chhinga Veng FC, Ramthar club Whetstone FC leh Tuikual North club IDBI FC ten point ruk ṭheuh an hmu tawh a, an hnuaia awm ten an hlat lo bawk.

Electric Veng FC-in match hmasa berah Whetstone an hmachhawn dawn a, an chak chuan a sang palia awm theihna hun ṭha a ni ang. A sang palia awm zinga mi IDBI Capital leh Chhinga Veng ten an tawp a khar dawn a, a hmuhnawm ber tura ngaih a tawpah a awm tih pawhin a sawi theih. 

Point a hmu lo awmchhun FC Leitan-in hmahruaitu Zonuam FC nen an inkhel dawn a, round 4 a nih tawh avangin Leitan-in point khat tal an hlawhchhuah a ṭul. Durtlang FC leh FC Bungkawn inkhela chak zawkin knockoutstage beiseina sang tak an nei bawk ang.