Mizoram Cricket team chak

Mizoram Cricket Under 23 team chuan nimin khan BCCI hnuaia inelna Men's Cricket Under 23 One Day League leh knockout inelnaah Meghalaya chu run 40-in an hneh.

Mizoram hian bat hmasain over 50 inkhelah run 97 chuah siam mah se bowler Akash Kumar-a'n wicket nga a lak zarah Meghalaya hi run 57-ah an vawm hlum vek. Mizoram team hian an match hmasa berah Arunachal Pradesh chu wicket thumin an hneh lo a, February 17 hian Pondicherry an hmachhawn ang.

Manager Michael Hmingthanpuia kaihhruai Mizoram team hian hi Plate Group-ah Manipur, Bihar, Arunachal Pradesh, Nagaland leh Podicherry nen an awm ho a ni.