Gorkha tan Armed Veng an nem

Mahuma Memorial Cricket Tournament-ah Gorkha CC chuan Armed Veng CC hnenah cricket khelh dan an 'kawhhmuh' a, run 18 leh innings khatin an hneh.

 

First innings-ah Armed Veng hi bat hmasa zawkin over 35.2 chiah an daih a, run 101 siamin an thi vek. Gorkha CC hian over 50-ah run 198 siamin wicket an hloh vek a, run 97-in hma an hruai nghal. 

Armed Vengin hnehna chang tur chuan second innings-ah ropui taka chet a ngai tih an hria a, mahse anni aiin Armed Veng bowler Rajesh Kumar a rawn che pui.

First innings-a wicket li latu hian over 12-ah run 14 chiah pein wicket nga a rawn la a, Armed Veng hian over 31-ah run 79 siamin wicket an hloh vek a, Gorkha lam bat buai ngai tawh loin an chak. 

Mahuma Memorial Cricket Tournament hi Pitch chei ṭhat avangin an chawl rih dawn a, March 18-ah Armed Veng leh Kulikawn inhma­chhawnin an khelh chhunzawm leh ang.