Highlanders an sang zel

NorthEast United-in a sang pali zinga tel an tumzia khelmualah an pholan chhunzawm zel a, Nilaini zan khan an elpui Mumbai City chu 2-0 in an hneh a, Highlanders tan K. Lalṭhathanga chuan minute 90 a khel tluan. 

Guwahati club tan hian Rowllin Borges chuan minute lina lekah goal hmahruai a khung a, Bartholomew Ogbeche chuan tun season-a a goal 12-na chu minute 33-naah khung zuiin an chak - Mumbai City hi match thum chhung chu a zawnin an tlawm tawh!

Highlanders hian table-ah pahnihna din­hmun an luah zui a, mahse nizana inkhel FC Goa-in hnehna an chan chuan pathumnaah an tla thla leh ang. He thu buatsaih a nih lai hian result kan hre hman lo. 

Zaninah ISL inkhel pakhat a awm dawn a, South Indian derby-ah Kerala Blasters chuan dar 7:30-ah Chennaiyin FC an mikhual dawn.