Final anga ngaih ka ngai - Watford boss

15th February, 2019

Zanin dar 1:15 hian FA Cup fifth round-ah Watford-in Queens Park Rangers chu Loftus Road Stadium-ah an hmachhawn dawn.

Team pahnih hi FA Cup-ah ṭum khat chiah an la hmachhawn a, kum 1980 khan Hornets-in Loftus Road-ah hian 1-0 in hnehna an chang.

Amaherawhchu, QPR hian Watford an muala an mikhualna hnuhnung pangaah vawi khat chiah an tlawm a, ṭum hnih an chak a, ṭum hnih dangah an inhnehtawk.

Watford manager Javi Garcia chuan, "QPR hian tun hnaiah result ṭha nei lo mah se an vanduai vang a ni pakhat a, an khel ṭha ṭhin viau. Chuvangin kan tan pawh a harsa dawn a, final angin kan khelh a ngai. Kan chak lo a nih chuan FA Cup hi tun season-ah kan khel dawn tawh lo," tiin chak ngei an tum thu a sawi.

Premier League-ah Watford hi pasarihnaah an awm mek a, QPR erawh Championship-ah 18-naah an awm mek.