Sindhu-i'n bul ṭan fuh

Olympic silver me­dallist PV Sindhu chuan Ningani khan 83rd Senior National Badminton Cham­pionship-a a match hmasa ber a khel a, harsa lo takin Nagpur nula Malvika Bansod hnehin women’s singles quar­terfinal a lut.

National champion ni tawh Sindhu hian South Asian U-21 Cham­pionship pakhatna lakah hian 21-11, 21-13 in hnehna a chang a, a hneh tak hi Khelo India Games-a pahnihna ni thei a nih bawk avangin player beiseiawm zinga mi a ni.

Nikum ang bawkin National Championship-ah hian world ranking-a sang player pariat chu last 16 aṭanga khelh ṭan tir an ni a, Sindhu ang thoin Saina Nehwal pawhin inelna tir lam a hmachhawn a ngai lo. Mahse, Saina hian nimin khan match nei tur a nih laiin Guwahati hmuna an inkhelhna chu ṭha tawk loa a ngaih avangin singles match a khel duh lo.