Chamberlain nihrualtu Harden

James Harden chuan Wilt Chamberlain-a record nih rualin a zawnin match 31 zet mai NBA-ah point 30 chuang a nei ta. Harden hi che ṭha viau mah se a team Houston Rockets chu Minnesota Timberwolves lakah 121-111 in an tlawm.

Nimin zing NBA regular season inkhelah Harden hian point 42 a score a, tun season chhungin ṭum 22 ngawt point 40 a neih tlinna a ni chiah bawk. Mimal record nei ṭha mah se season bul an ṭan fuh loh an tuar a, Western Conference-ah pangana an ni mek.

NBA-ah hian a zawna point 30 nei zawn rei ber chu Chamberlain niin 1961-62 khan vawi 65 ngawt a nei zawn a, hemi season vek hian a tir lamah Chamberlain hian vawi 31 a nei zawn bawk - a neih zawn tlem zawk ṭum hi Harden-a'n a tluk chiah tihna a ni.