Bayern an inkhel hma dawn

Champions League Last 16-a Liverpool hmachhawn tur Bayern Munich chuan zanin dar 1:00 hian WWK Arena-ah Augsburg an hmachhawn dawn a, English club an hmachhawn hmain hahchawlhna hun ṭha an nei theih ang.

Football Association-in an hnuaia club te Europe-a an chet ṭhat theih nan fixture an siamrem sak ngai meuh lo a, league dangah erawh an hnuaia club te an duhsak ṭhin hle. German champion pawh hian Zirtawpni zana an khelh dawn avangin Thawhlehni zana Jurgen Klopp-a hote hmachhawn tura Anfield an tlawh hunah Bundesliga match vanga buaina an neih a rinawm loh.

Chutihrualin tun season-ah Bayern-in season bul an ṭan ṭha lo a, hmahruaitu Borussia Dortmund chu point ngain an la pha lo. Bavarians hian nomawi humhim an duh a nih chuan 15-naa awm Augsburg hi an hneh ngei a ṭul ang.