FA-in Klopp thubuai an siamsak

Football Association chuan Liverpool manager Jurgen Klopp chu West Ham nen an inkhelh ṭuma referee chungchanga a ṭawngkam avangin thubuai an siamsak a, Thawhṭanni zan dar 11:30 thleng insawifiahna hun an pe. 

London Stadium-a Premier League inkhelah khan Reds leh Hammers hi 1-1 in an inhnehtawk a, Liverpool hian Sadio Mane hmanga goal hmahruai khungin replay en chuan James Milner chu hetihlai hian a offside. 

Inkhelh zawhah Klopp hian, "Referee khan tihsual a nei tih a inhriat avangin mihring ve tho a ni si a, huaisen taka thutlukna siam turah pawh a siam ngam loh phah a ni," tiin referee a sawisel zui. 

FA chuan Klopp-a ṭawngkam hian referee-te zahawmna a ti bawrhbangah an ngai a, thubuai siamsakin insawifiahna hun an pe ta a ni.