Wawrinka-a'n Raonic a hneh let

Stan Wawrinka chuan tun hnaia a hneh theih loh tak mai Milos Raonic hnehin Rotterdam Open-ah quarterfinal a in vaw kai a, tun hnaia khel ṭha tak Stefanos Tsitsipas erawh a zinkawng a tawp nghal thung.

Nilaini zan inkhelah Wawrinka hian Canadian tlangval lakah 6-4, 7-6 (7-4) in hnehna a chang a, a zawna match thum a ngam loh Raonic a hneh let theih hi a tan result ṭha a ni. 

Inkhel dangah Shapovalov chuan tawnhriat ngah zawk Tomas Berdych lakah 6-4, 6-3 in hnehna a chang. 

Roger Federer hneha Australian Open semifinalist lut thei Tsitsipas chu Damir Dzumhur lakah 6-4, 1-6, 7-5 in a tlawm a, Gael Monfils, Daniil Medvedev, Jo-Wilfried Tsonga leh Marton Fucsovics te pawhin an khingpui ṭheuh an hneh.