Hmeichhe World Cup Netherlands tan Martens inlan beisei

Hmeichhe World Cup semifinal-ah zanin dar 12:30 hian Netherlands leh Sweden an inkhel dawn a, European champion Netherlands coach Sarina Wiegman chuan an player chhuanvawr Lieke Martens inlan theih a beisei thu 

a sawi. 

Kum 26 mi Martens hian last 16-a Japan an hneh ṭuma a goal khung lawmnaah a ke zungṭangah hliam a tuar a, hemi hnuah training a zawm lo chungin quarterfinal kha minute 90 a khel tluan. Wiegman chuan, "Lieke hi a hliam hian a tihbuaina a rei tawh a, mahse Japan kan hmachhawn hnu khan a ke zungṭang hliam hian a tibuai lehzual a ni. 

"Mahse, quarterfinal-ah Italy a hmachhawn thei a, harsatna lutuk a awm lo. Sweden a hmachhawn theih ka beisei a, a thei ta lo a nih pawhin player ṭha tak tak kan kawl a ni," a ti. Barcelona forward hi 2017 khan hmeichhe footballer ṭha berah thlan a lo ni tawh a, ram tan match 108-a inlanah goal 44 a khung tawh avangin Netherlands tan a inlan theih a pawimawh ang. 

Hetihlai hian Sweden hi quarterfinal-a team ṭha ber pawl Germany barakhaiha semifinal lut kha an ni a, Netherlands tan zuam ngawt chi an ni lo.