Baseball player Tyler Skaggs a thi
Los Angeles Angels baseball team pitcher Tyler Skaggs chu Thawhṭanni khan Hilton hotel, Southlake-a room pakhatah thiin an hmu. Skaggs thihna avang hian vawiina Angels leh Texas Rangers inkhel tur chu ṭhulh a ni.
Kum 27 mi Tyler hi a thih chhan hriat ni lo mah se Southlake Police Department-te chuan thil rinhlehawm engmah a awm loh thu sawi a, a thih dan erawh an chhuichian tur thu an sawi. Skaggs-a'n Angels tana an inlan hnuhnung ber chu Oakland Athletics nen June 29-a an inkhelh ṭum kha a ni a, tun season khelh mekah game 15-ah bul a ṭan.
Major League Baseball club Angels chuan, "Angels chhungkuaah Tyler hian hmun pawimawh tak a chang kumkhua tawh ang," tiin thuchhuah an siam. Skaggs hi nikum khan Carli Miles nen an innei a, Santa Monica-ah an khawsa a ni.