Napoli-ah Ospina a nghet

Arsenal goalkeeper David Ospina chu season hmasa lama loan hmanga hun a hman tawhna Napoli-ah a nghetin a lut, Italian club-in an leina zat leh a contract rei zawng erawh tarlan a ni lo thung.

Colombia inter­natio­nal hian Gunners tan season nga a khelh chhungin FA Cup vawi hnih a chawi hman a, season hmasa khan inkhelh tam a duh vangin Napoli hi a pan. Serie A-ah first-choice keeper ni chhoin league match 17 a inlan sak hman a ni.

Arsenal chuan an keeper a chhuah thu sawiin, "David chungah kan lawm, a hnathawh leh club tana a ṭhahnem­ngaihna zawng zawng kha kan hre reng tawh dawn, hun duhawm tawnga hlawhtling zel turin duhsakna kan hlan," an ti.

Kum 30 mi Ospina hi an ram tan vawi 98 inlan tawhin record nei ṭha ber a ni a, tun Copa America-ah pawh khan a inlan. Mahse, group stage an khelh zawh hmain a pa damlohna vangin Brazil aṭangin an ram lamah a haw.