Sociedad beiseina chawi nungtu Isak

Real Sociedad forward Alexander Isak chuan season thara Champions League khelh an beiseina chu thiltih hmangin a lantir a, 4-0 ngawta Alaves an sawpna inkhelah hattrick a siam. 

Kum 21 mi forward hian minute 41-na aṭanga goal khung ṭanin minute 49 leh 62-naah a chhunzawm leh a, Portu chuan goal khat dang a thawh ve leh bawk - Alaves lamin a chhanletna tur an nei lo. 

Sweden international Isak hian tun season La Liga-ah match 20 khelin goal 12-a khung tawh a, assist vawi hnih a nei bawk - European club lian ten an en chhunzawm zel ang. 

Real Sociedad-in hnehna an chan avangin table-ah pangana an ni a, season tharah European football khelh ngei an tum avangin top four club Atletico Madrid, Real Madrid, Barcelona leh Sevilla tan chuan Sociedad hi la hnawksak thei tur an ni dawn.