Chak lo tura ngaih Pelicans an tho chhuak
Point 24 zeta an hniam hnuah New Orleans Pelicans an tho chhuak a, chak lo tura ngaih team hian an khingpui Boston Celtics chu 120-115 in an hneh.
Hun tawp lamah team pahnih an inkhel tawk viau a, hun pangngaiah an inhnehtawk avangin overtime (OT) khelh a ngai hial. Hun tawp hma second 33.3 chauh awm tawhah Brandon Ingram chuan 3-points vawm lutin Pelicans a chakpui.
Champion tum ngam zinga mi Brooklyn Nets pawh an chak zel. Nets hian James Harden-a point 37 hmangin Los Angeles Clippers chu 112-1-8 in an hneh, tun hnaiah Golden State Warriors, Sacramento, Phoenix leh Los Angeles team pahnih hnehin match nga an chak zawn.
Giannis Antetokounmpo awmna Milwaukee Bucks pawh an danglam. Most Valuable Player hian point 38 ngawt neiin Sacramento Kings lakah Bucks hi 128-114 in a chakpui.
NBA Results
New Orleans Pelicans 120 - 115 Boston Celtics
Brooklyn Nets 112 - 108 Los Angeles Clippers
New York Knicks 103 - 99 Minnesota Timberwolves
Milwaukee Bucks 128 - 114 Sacramento Kings
Orlando Magic 105 - 96 Detroit Pistons
Atlanta Hawks 123 - 115 Denver Nuggets
Toronto Raptors 110 - 103 Philadelphia 76ers
Oklahoma City Thunder 117 - 101 Cleveland Cavaliers