MSL khel tur Ramhlun SC

Ramhlun Sporting Club chuan Zarkawt Serpents lakah a zawna hnehna an chan avangin Mizoram Super League season rukna an khel dawn, Serpents erawh an hmel kan hmuh chhunzawm thei rih dawn ta lo a ni.

Ningani zan Hawla Indoor Stadium, Republic Vengthlanga playoff inkhel inhnehtawk takah Ramhlun SC hian overtime-ah 83-81 in hnehna an chang a, game 1-ah Ramhlun bawk hian 76-70 a hnehna an chan tawh bawk avangin best of three series chu 2-0 in an la.

Tualchhung basketball inelna ngaihhlut ber MSL aṭang hian BC Bethlehem leh Zarkawt Serpents an tla a, playoff paltlang Ramhlun SC bakah ADBBA first division champion Chawnpui BC te chuan club awm sa - champion lai Zarkawt BCA, Khatla TBL, Tuikual South leh Mission Veng Vikings te nen MSL season 6 an khel dawn a ni.